الكلمات شيلة :
لا تنزعج يالغالي المغرور
ترى الكلام اللي وصل لك زور
ولاتقول مالي في حياتك دور
وانت الحياه بكل مافيها .
انت الحبيب اللي تمنيته
اللي بصوت الحب ناديته
وان مرني طاريك لبيته
يامشغل الدنيا وماليها
دايم وطيفك حاضر قبالي
غالي وطيفك عندنا غالي.
ياوجد روحي يابري حالي
بعض السوالف لا تطريها
الليل يسري بي وانا ساري
محدٍ عن اللي داخلي داري
يطري على قلبي مية طاري
طواري الفرقا مادانيها
————————-
ترى دموع الحب فضاحه
سلمت لك قلبي بمفتاحه
ما بالحياه بغيبتك راحه
سلمني الراحه باياديها
دام المحبه صدق بالافعال
الحب مايستاهل الاهمال
والحاجه اللي تسعد العذال
مفروض حنا مانسويها
خلك بجنبي ياهوى روحي
يامبتغاي وبلسم جروحي
البعد مالك فيه مصلوحي
نعمة وصالك لاتجافيها
غلطة غيابك لاتكررها
وضروفنا لازم تقدرها
وايامنا الحلوه تذكرها
لا صار قلبك صدق ناسيها
